Sjálfsvarnarnámskeið fyrir konur

Sjálfsvarnarnámskeið fyrir konur sem Mjölnir heldur í samstarfi við Lögregluna á höfuðborgarsvæðinu.

Fjölmargir aðilar hafa aðkomu að því að leiðbeina á námskeiðinu en Sunna Rannveig Davíðsdóttir bardagakona keyrði námskeiðið af stað á sínum tíma og skipulagði dagskrá námskeiðsins. Það er afar nærtækt að Sunna leiði námskeiðið þar sem hún byrjaði upphaflega að æfa bardagaíþróttir til að geta varið sjálfa sig og þessi málaflokkur hefur lengi verið henni hugleikinn.

Á námskeiðinu, sem er tvisvar í viku í sex vikur, er hvort tveggja horft á líkamlega þáttinn og andlega þáttinn. Á námskeiðinu er farið í ýmsa tækni sem nýtist við sjálfsvörn og sjálfsstyrkingu. M.a. verður farið í varnir gegn höggum, hvernig á að losa grip, hvernig hægt er að sleppa undan ef einhver kemst ofan á og ýmis önnur tök og tækni til sjálfsvarnar.

Eins og fram kom er námskeiðið haldið í samvinnu við Lögregluna á höfuðborgarsvæðinu en fulltrúar frá þeim munu vera með fræðslu á námskeiðinu. Þá verður einn tími fyrir slökun, yoga og öndunaræfingar. Engar myndir eða myndbönd sem sýna þátttakendur á námskeiðinu verða tekin upp á meðan námskeiðinu stendur.

Næsta námskeið:

• Tilkynnt síðar

Verð: Kr. 29.990 (kr. 22.500 fyrir meðlimi Mjölnis)

Þjálfarar: Áslaug María Dungal, Margrét Ýr Sigurjónsdóttir, Margrét Inga Þorláksdóttir, Inga Birna Ársælsdóttir og fleiri.