Kickbox 101

Kickbox 101 er frábært 6 vikna grunnnámskeið. Farið er yfir öll helstu spörk og högg, varnartilbrigði og fótaburð ásamt því að læra vel á það hvernig unnið er með tæ-púða og skyldi. Námskeiðið er þrepaskipt þar sem hvert kennsluatriði leiðir að öðru og fá iðkendur að æfa sig vel á tækninni sem kennd er bæði í pörum og með einstaklingsæfingum.

Þegar líða tekur á námskeiðið flétta iðkendur tækninni sem þeir hafa lært inn í létt sparr þar sem blandað er saman varnartaktík og sókn á móti andstæðing. Mikið er lagt uppúr öryggi iðkenda en strax í upphafi námskeiðsins fá iðkendur kynningu á öryggisatriðum og staðalbúnaði sem fylgja íþróttinni. Að loknu námskeiði býðst svo iðkendum að halda áfram í Kickbox 201 sem er framhaldsnámskeið. Haldið er uppi Facebook síðu fyrir hvert grunnnnámskeið þar sem deilt verður kennslumyndböndum og auglýstir viðburðir á vegum Mjölnis.

Námskeiðið er ýmist á kvöldin eða í hádeginu. Innifalið í námskeiðinu er aðgangur að bardagaþreki á föstudögum kl. 16:15.

Næsta námskeið:

• 4. mars: Á mánudögum og miðvikudögum kl. 20:00 (6 vikur).

Innifalið í grunnnámskeiði: Innifalið í verði 101 námskeiða eru tvær vikur í Mjölni eftir að grunnnámskeiði lýkur. Innifalið er einnig aðgangur að yoga tímum, Goðaafli, bardagaþreki, heitum potti, köldum potti, sánu og lyftingar- og þrekaðstöðu.

Mikilvægt er að allir iðkendur fari eftir og virði reglur félagsins sem eru aðgengilegar hér á vefnum.

Við erum hér á Facebook: Mjölnir-Box & Kickbox