ER MJÖLNIR AÐ FLYTJA?

Mjölnir

Um nokkurt skeið hafa gengið sögusagnir um að Mjölnir sé á leið út úr Öskjuhlíðinni, jafnvel fljótlega upp úr áramótum, ef ekki enn fyrr! Þetta á ekki við nein rök að styðjast og ekki er flugufótur fyrir þessari fiskisögu.
 
Ástæða sögusagnanna er líklegast sú að síðastliðið vor hafði eigandi hússins samband við Mjölni og tjáði félaginu að Hjallastefnan, er rekur skóla með sama nafni, hefði sýnt húsnæðinu áhuga undir skólastarfsemi. Hefur húseigandinn meðal annars kannað hvort til greina komi að Mjölnir flytji sig um set, en félagið er með óuppsegjanlegan leigusamning til næstu tæpra 10 ára í húsinu. Hér er því eingöngu um þreifingar að ræða sem eru, eftir því sem við best vitum, mjög stutt á veg komnar, hafa ekkert verið útfærðar og ekkert er fast í hendi.
 
Þrátt fyrir fullyrðingar einhverra um annað er enginn flutningur áformaður og þar af leiðandi liggja engar dagsetningar fyrir.

Ekkert verður gert nema í fullu samráði við okkur í Mjölni en félagið mun ekki flytja starfsemi sína á annan stað eða húsnæði  nema við teljum það húsnæði henta starfsemi okkar enn betur en það sem við erum í núna.
 
Komi til þess að Mjölnir flytji, munuð þið heyra það fyrst frá okkur, ekki utan úr bæ. Það verður kynnt með góðum fyrirvara, og þá aðeins þegar við höfum tryggt okkur húsnæði sem hentar enn betur undir það sem við elskum öll, að æfa, leika, keppa og eyða tíma saman í Mjölni.
 
Þangað til, engar áhyggjur og góðar stundir.