Flýtilyklar
MJÖLNIR LOKAR KL. 14 VEGNA VEÐURS
10. desember, 2019
Ofsaveður
Í samræmi við tilmæli Reykjavíkurborgar og lögreglu lokar Mjölnir kl. 14 í dag, þriðjudaginn 10 desember, til kl. 9 í fyrramálið vegna væntanlegs ofsaveðurs. Allir tímar í húsinu falla því niður á þessu tímabili.
Í tilkynningu Reykavíkurborgar kemur fram að allt frístunda- og félagsmiðstöðvastarf í Reykjavík falli niður þar sem gefin hafi verið út appelsínugul viðvörun vegna óveðursins sem spáð er. Þá munu sundlaugar, útibú Borgarbókasafnsins og söfn á vegum Reykjavíkurborgar verða lokuð eftir kl. 14 í dag. Lokanir skóla og stofnana eru tilkomnar vegna öryggisráðstafana enda ætti enginn að vera á ferli í veðri eins og spáð er. Fólk er beðið um að fylgjast vel með veðri í fjölmiðlum og fylgja tilmælum yfirvalda. Appelsínugul viðvörun þýðir að það séu miðlungs eða miklar líkur á veðri sem geti valdið miklum samfélagslegum áhrifum, tjóni eða slysum og hugsanlega ógnað lífi og limum ef aðgát er ekki höfð.
Lögreglan á höfuðborgarsvæðinu minnir jafnframt á fyrirhugaðar lokanir vega til og frá höfuðborgarsvæðinu, þ.e. Vesturlandsvegur, Suðurlandsvegur og Reykjanesbraut. Sérstök athygli er enn fremur vakin á því að á Sæbraut, frá Hörpu að Laugarástanga, og Eiðsgranda á Seltjarnarnesi er gert ráð fyrir lokun frá kl. 15 í dag, en búist er við miklum ágangi sjávar á vegi. Sjá nánari upplýsingar á síðum Vegagerðarinnar.
Í samræmi við þetta mun Mjölnir, eins og áður segir, loka kl. 14 í dag og opna kl. 9 í fyrramálið þegar gert er ráð fyrir að dregið hafi verulega úr veðri.
Mjölnir MMA
