Flýtilyklar
SIGUR OG TAP HJÁ SINDRA OG ELMARI Í NOREGI
Um helgina börðust þeir Elmar Gauti Halldórsson og Sindri Snorrason á boxkvöldi í Noregi. Strákarnir koma heim með einn sigur og eitt tap.
Bardagarnir fóru fram á The Homecoming boxkvöldinu í Bergen í gær en báðir voru þeir að keppa áhugamannabardaga. Þrír síðustu bardagar kvöldsins voru atvinnubardagar þar sem meðal annars var barist um Evróputitla IBA og WBO.
Elmar Gauti var í fyrsta bardaga kvöldsins en hann mætti Dennis Hofstad. Elmar tapaði naumlega eftir klofna dómaraákvörðun gegn reynslumiklum andstæðingi en niðurstaða dómaranna vakti undrun. Sindri Snorrason mætti Kristoffer Fredriksen og sótti verðskuldaðan sigur eftir dómaraákvörðun. Sindri er aðeins búinn að æfa box í rúmt ár og hefur hann því tekið miklum framförum á skömmum tíma.
Strákarnir koma heim reynslunni ríkari en báðir stefna þeir á að keppa mikið á þessu ári.
Mjölnir MMA
