TVÖ NÝ SVÖRT BELTI GRÁÐUÐ Í MJÖLNI

BJJ járnun

Frábær járnun fór fram í Mjölni á föstudaginn. Hátt í 30 manns fengu ný belti í járnuninni en þar af voru tvö svört belti, sex brún belti, tíu fjólublá og tíu blá belti. 

Þeir Birkir Freyr og Jósep Valur fengu svarta beltið og eru þeir báðir vel að þessu komnir. Báðir hafa þeir æft brasilískt jiu-jitsu í um áratug og bætast þeir þar með í hóp svartbeltinganna okkar. Núna er Mjölnir með níu svört belti sem er ansi magnað miðað við stuttan líftíma íþróttarinnar hér á landi en 15 Íslendingar hafa hlotið þann heiður að fá svart belti í íþróttinni.

Þeir Brynjólfur Ingvarsson, Luka Jelcic, Magnús Björn Ólafsson, Bjarki Ómarsson, Kristján Einarsson og Diego Björn Valencia fengu svo brúnt belti.

Eftir járnunina var svo skemmtilegt grill í góða veðrinu og frábær stemning hjá glímufólkinu.