VALGERÐUR KEPPIR Í KANADA

Valgerður keppir sinn níunda atvinnubardaga í boxi nú á laugardaginn hjá Eye of the Tiger promotions.

Valgerður mætir þá Leila Beaudoin (7-0) á heimavelli Beaudoin í Kanada. Valgerður er eina íslenska konan sem keppir sem atvinnumaður í boxi og er með ferilinn 5-3 (1 rothögg) í atvinnubardögum.

Bardaginn er í beinni útsendingu á ESPN+ en á Íslandi er hægt að horfa á streymi hér. Boxkvöldið hefst kl. 19 á staðartíma eða á miðnætti á íslenskum tíma en bardagi Valgerðar er sá fyrsti af átta á kvöldinu sem inniheldur meðal annars þrjá titilbardaga. Vigtunin fór fram í dag en bardaginn er háður í súper fjaðurvigt (59,4 kg). ÁFRAM VALGERÐUR!