BJJ 101 35+

Brasilískt Jiu Jitsu 101 fyrir 35+ er 8 vikna grunnnámskeið í Brasilísku Jiu-Jitsu (BJJ) og Goðaafli.

BJJ er undirstaða þjálfunar og færni í blönduðum bardagalistum (MMA) og sjálfsvörn og er frábært likamsrækt og leið til þess að fá góða brennslu og byggja upp þol og styrk.  BJJ er glímuíþrótt sem fer hratt vaxandi alls staðar í heiminum og hefur reynst vel í keppnum og er af mörgum talin ein besta sjálfsvörn sem hægt er að læra. Á námskeiðinu er farið í öll grunnatriði íþróttarinnar ásamt ýmis uppgjafartök, hvernig á að koma sér úr slæmum stöðum, nokkrar fellur og fleira. Þetta er frábær leið til að fara aðeins út fyrir þægindarammann sinn og gera eitthvað nýtt og skemmtilegt. Að loknu námskeiðinu býðst svo þátttakendum að mæta í framhaldstíma BJJ 201 og uppgjafarglímu Nogi 201.

Námskeiðið er þannig uppbyggt að BJJ þjáfun fer fram tvisvar í viku og Goðaafl einu sinni í viku samkvæmt stundarskrá.

Goðaafl er byggt upp á þann hátt að notast er við eigin líkamsþyngd ásamt teygjum og léttum þyngdum. Aðal markmið Goðaaflsins er að huga að minni vöðvum líkamans. Styrkja miðju- og mjaðmasvæði sem styður við bakið, virkja vöðva í efra baki og eins í kringum hné. Goðaflið er því frábær viðbót við námskeiðið á móts við glímuna.