Krakkaboxið var sett á dagskrá hjá okkur haustið 2019 og gekk afar vel. Krakkabox 101 er fyrir 7-11 ára krakka þar sem grunnatriðin í hnefaleikum eru kennd. Tímarnir eru uppbyggðir sem boxtengdir leikir og eru krakkarnir aldrei að boxa við hvort annað heldur einungis að kýla í púða. Mest eru þetta þó leikir þar sem öryggið er í fyrirrúmi. Í öllu barna- og unglingastarfi Mjölnis er mikil áhersla lögð á að krakkarnir viti að það sem þau læra í Mjölni má eingöngu nota í sjálfsvörn.
Mikilvægt er að allir iðkendur fari eftir og virði reglur félagsins sem eru aðgengilegar hér á vefnum.
Námskeiðinu er skipt upp í annir (vor og vetur). Tímarnir eru kenndir á mánudögum, miðvikudögum og föstudögum kl. 15:15. Hægt er að nýta frístundastyrkinn.
Hvenær: Á mánudögum, miðvikudögum og föstudögum kl. 15:15 (hefst 6. september).
Búnaður: Hanskar og vafningar. Hægt er að kaupa búnaðinn í sérstökum byrjendapakka í Mjölnisbúðinni.
Á Facebook er sérstök foreldragrúbba fyrir þá sem eiga börn sem æfa í Mjölni.
Þjálfari: Davíð Rúnar Bjarnason.
Ný önn í barna- og unglingastarfi Mjölnis hefst mánudaginn 10. janúar samkvæmt stundatöflu.
Mjölnir MMA
