Flýtilyklar
MMA 101 unglingar / MMA 201
MMA-101 unglingar (2012) from Mjolnir MMA on Vimeo.
MMA 101 Unglingar grunnnámskeið fyrir unglinga á aldrinum 13-17 ára. Iðkendur fá leiðsögn í Brasilísku Jiu-Jitsu (BJJ) og læra þar öruggar leiðir til að stjórna andstæðingum, einfalda lása og hengingar. Einnig er farið í grunninn í Kickboxi og blönduðum bardagalistum (MMA). Mikið er lagt í öryggi og t.d. er einungis einblínt á tækni þegar högg eru tekin fyrir.
Námskeiðinu er skipt upp í tvo hluta. Í fyrri hlutanum sem er átta vikur mæta iðkendur með framhaldhópi unglinga á mánudögum og miðvikudögum. Farið er ítarlega í grunntækni undir leiðsögn þjálfara. Að þessum vikum liðnum tekur seinni hlutinn við en þá geta iðkendur sótt allar æfingar með framhaldshópi unglinga (MMA 201 Unglingar). Námskeið hefjast alltaf þrisvar á ári, í janúar, júní og september.
Mikilvægt er að allir iðkendur fari eftir og virði reglur félagsins sem eru aðgenilegar hér á vefnum.
Við erum hér á Facebook: Mjölnir (Unglingar)
Á Facebook er sérstök foreldragrúbba fyrir þá sem eiga börn sem æfa í Mjölni.
Búnaður: Ekki er krafist neins sérstaks búnaðar fyrir fyrri hluta námskeiðisins, einungis þarf að mæta í stuttbuxum og bol. Fyrir seinni hlutann væri æskilegt fyrir iðkendur að eiga góm (tannhlíf), en það er einungis til öryggis því aldrei á að slá fast í tímunum.
- íþróttaföt (mælt með stuttbuxum og stuttermabol eða hlýrabol)
- tannhlíf (ekki nauðsynlegt en má hafa í tímum)
Framhald: Að þessu námskeiði loknu stendur til boða að fara í MMA 201 Unglingar.
Þjálfari: Þráinn Kolbeinsson
Mjölnir MMA
