BJJ tímar þar sem ákveðnar stöður eru drillaðar.
Drill æfingar geta verið mjög gagnleg leið til að hraða tæknilegum framförum í glímunni án þess að taka of mikinn toll af líkamanum. Þegar talað er um drill er átt við að ákveðin tækni er einangruð og hún endurtekin aftur og aftur með mismikilli mótspyrnu. Í drilltímanum verður aðaláherslan því lögð á að skerpa og fínpússa ákveðna tækni með leiðsögn þjálfara. Slíkar æfingar geta þannig verið fullkomin viðbót við erfiðar glímuæfingar vikunnar. Þjálfarinn mun sýna tiltekna tækni og oftar en ekki tengja hana við aðra möguleika sem komið geta upp.