Kickbox 201

Kickbox 201 er framhaldsnámskeið í sparkboxi þar sem kafað er dýpra í tækniatriði íþróttarinnar. Krafist er þess að iðkendur hafi klárað grunnnámskeiðið þar sem tæknin er flóknari og byggir á grunnatriðum. Í þessu námskeiði er grunnatriðum blandað við flóknari tækniaðferðir þar sem iðkendur eru hvattir til að blanda að eigin frumkvæði saman hinum ýmsu tækniatriðum við þróun á egin stíl. Námskeiðinu er skipt niður í 8 vikur þar sem hver vika hefur sitt þema. Að þeim 8 vikum liðnum er aftur tekið upp þema fyrstu viku með breyttum áherslum. Námskeiðið er þar af leiðandi 8 þrepa hringur sem endurtekur sig á 8 vikna fresti sem iðkendur geta nýtt sér til að ná góðu valdi á íþróttinni. Námskeiðið getur bæði nýst fólki sem einungis vill bæta kickbox tækni sína og fá þá hreyfingu sem úr íþróttinni fæst annars vegar eða nýtt sér námskeiðið sem stökkpall yfir í keppnishóp hinsvegar. Það er síðan á valdi þjálfara að ákveða hvort færni sé nægileg til að viðkomandi geti æft með keppnishópi (Kickbox 301) þar sem auknar kröfur eru gerðar og lögð er áhersla á að keppa. Mikilvægt er að allir iðkendur fari eftir og virði reglur félagsins sem eru aðgengilegar hér á vefnum.

Við erum hér á Facebook: Mjölnir-Box & Kickbox

Markmið: Að iðkendur öðlist öryggi við iðkun kickboxs og geti nýtt sér lærða tækni til að þróa færni sína enn frekar.

Búnaður: Sá staðalbúnaður sem iðkendur þurfa að hafa með sér í tíma og seldir eru stakir og/eða í sérstökum byrjendapökkum í Óðinsbúð er eftirfarandi:

• tannhlífar
• vafningar
• boxhanskar (mælt með, annars eru lánshanskar í boði)
• legghlífar (mælt með)
• íþróttaföt (mælt með stuttbuxum og stuttermabol eða hlýrabol)

Þjálfarar: Ingibjörg Helga Arnþórsdóttir / Hrólfur Ólafsson / Bjarki Þór Pálsson