Berserkir

Berserkjahópurinn er sérstakur lokaður keppnishópur fyrir Víkingaþrekið. Þetta er fyrir þá sem vilja fá meira aðhald á æfingum, kynnast nýjum hreyfingum með stöngum, fá markvissari þjálfun og hafa áhuga á að keppa á þrekmótum hér á landi sem og erlendis. Um er að ræða 20 manna hóp að hámarki.

Öllum er frjálst að sækja um og þau sem hafa áhuga á að vera með mega senda póst á gyda@mjolnir.is með smá frásögn um sig.

Unnar Helgason mun sjá um tímana en hann er margreyndur keppnismaður í hinum ýmsu þrekraunum. Hann hefur m.a. keppt á Evrópumótinu í CrossFit, CrossFit Games árið 2012, öllum Þrekmótunum oftar en einu sinni og spilaði áður handbolta og fóbolta með FH. Þá hefur hann lokið Steve Maxwell ketilbjöllu námskeiði og kennt Boot Camp og CrossFit um árabil. Hann kemur því inn í hópinn með mikla reynslu - bæði sem keppandi og þjálfari.