BARNA- OG UNGLINGASTARF

Barna- og unglingastarf Mjölnis nær frá 5 ára aldurs til 17 ára unglinga. Barnastarfið er mest byggt á leikjum en í unglingastarfinu er farið nánar í tæknilega hlutann undir öruggri leiðsögn. Námskeið hefjast alltaf þrisvar á ári; í janúar, júní og september.

5-8 ára

Börn 5-8 ára eru tímar sem eru að mestu byggðir upp sem leikir þar sem börnin læra meðvitað og ómeðvitað að glíma og verja sig.
 
8-13 ára

Börn 8-13 ára eru tímar sem eru byggðir upp að meginatriðum eins og 5-8 ára hópurinn nema hér læra þau ítarlegri tækni bæði í gólfglímu, standandi glímu og við högg og spörk.

Krakkabox 101

Krakkabox 101 er fyrir 7-11 ára krakka þar sem grunnatriðin í hnefaleikum eru kennd. Tímarnir eru uppbyggðir sem boxtengdir leikir og eru krakkarnir aldrei að boxa við hvort annað heldur einungis að kýla í púða. Krakkaboxið verður í fríi yfir sumartímann 2021 en hefst aftur um haustið. Nánar auglýst síðar.

MMA 101 unglingar 13-17 ára

MMA 101 Unglingar grunnnámskeið fyrir unglinga á aldrinum 13-17 ára. Iðkendur fá leiðsögn í Brasilísku Jiu-Jitsu (BJJ) og læra þar öruggar leiðir til að stjórna andstæðingum, einfalda lása og hengingar. Einnig er farið í grunninn í Kickboxi og blönduðum bardagalistum (MMA). Mikið er lagt í öryggi og t.d. er einungis einblínt á tækni þegar högg eru tekin fyrir.

MMA 201 unglingar 13-17 ára

MMA 201 Unglingar er beint framhald af MMA 101 Unglingar. Farið er nánar og dýpra í tækni og það sem þarf til að öðlast meiri færni í BJJ, kickbox og MMA.

BOX 101 unglinga

Mjölnir byrjaði með unglingabox nú í janúar og hefur það farið vaxandi síðan. Í þessu grunnnámskeið er farið yfir öll helstu grunnatriði í hnefaleikum: Vörn, fótaburð og hvernig á að kýla rétt. Mikið er lagt upp úr öryggi iðkenda.

BOX 201 unglinga

Í þessum tímum eru öll grunnatriði í hnefaleikum tekin skrefi lengra í smáatriðum og bætt við nýjum atriðum til að auka þekkinguna á hnefaleikum til muna. Þeir unglingar sem sækja þessa tíma eru einnig í góðum undirbúning til að keppa í svokölluðu Diplomaboxi en þar eru keppendur dæmdir eftir tæknilegri getu en ekki með það að markmiði að yfirbuga andstæðinginn.