MJÖLNIR OPEN 2022 - ÚRSLIT

Mjölnir Open 16 fór fram í gær þar sem tæplega 90 keppendur voru skráðir til leiks frá 6 félögum. Kristján Helgi Hafliðason og Anna Soffía Víkingsdóttir voru sigurvegarar dagsins en keppendur úr Mjölni unnu öll gullverðlaun á mótinu nema í þyngsta flokki kvenna og opnum flokki kvenna en í þeim flokkum hefur Anna Soffía verið ósigrandi undanfarin ár.

Mótið var vel sótt en 6 klúbbar sendu keppendur á mótið í ár. Anna Soffía Víkingsdóttir frá Atlantic AK varði titlana sína síðan í fyrra en hún sigraði +70 kg flokk kvenna og opinn flokk kvenna líkt og í fyrra. Anna Soffía vann allar 4 glímur sínar á uppgjafartaki og hefur nú unnið Mjölnir Open oftar en nokkur önnur íþróttakona. Mjölnir vann til lang flestra verðlauna á mótinu eða 18 alls, þar af 8 gullverðlaun af 10 mögulegum. 

Kristján Helgi Hafliðason úr Mjölni vann +99 kg flokk karla þrátt fyrir að vigta sig inn aðeins 94 kg. Hann tók síðan opinn flokk karla eftir sigur á félaga sínum úr Mjölni, Halldóri Loga Valssyni. Af 6 glímum Kristjáns kláraði hann 5 af þeim með uppgjafartaki en tókst ekki að klára Mikael Leó Aclipen úr Mjölni í opna flokkinum. Kristján fór í gegnum allar glímurnar án þess að fá eitt stig skorað á sig.

Anna Soffía Víkingsdóttir úr Atlantic AK vann allar 4 glímur sínar á uppgjafartaki og það á samanlagt þremur mínútum og 18 sekúndum! Anna Soffía var jafnframt að vinna opinn flokk kvenna í fjórða sinn en engin kona hefur unnið opna flokkinn jafn oft.

Valentin Fels úr Mjölni vann -77 kg flokk karla sem var fjölmennasti flokkur mótsins. Valentin vann allar fjórar glímurnar sínar á uppgjafartaki og er þetta í þriðja sinn í röð sem hann tekur gull á Mjölnir Open. Þess má geta að Mikael Aclipen náði bronsi í flokknum þrátt fyrir að vera léttastur í flokknum.

Ómar Yamak úr Mjölni vann -88 kg flokk karla (sá næst fjölmennasti á mótinu) og vann líka allar glímurnar sínar á uppgjafartaki. Það tók Ómar rúmar 6 mínútur samanlagt að vinna glímurnar fjórar og fékk hann ekkert stig skorað á sig. Þetta var í fjórða sinn sem Ómar vinnur gull á Mjölnir Open en í fyrsta sinn sem hann vinnur -88 kg flokkinn.

Halldór Logi Valsson úr Mjölni vann -99 kg flokk karla og vann báðar glímurnar sínar í flokknum á uppgjafartaki. Hann fór síðan alla leið í úrslit í opnum flokki en tapaði fyrir Kristjáni.

Viktor Gunnarsson úr Mjölni vann -66 kg flokk karla eftir þrjá sigra. Þetta er í fyrsta sinn sem Viktor nær gulli á Mjölnir Open en hafði áður unnið til gullverðlauna á Mjölnir Open ungmenna.

Ingibjörg Birna Ársælsdóttir úr Mjölni vann -70 kg flokk kvenna sem var fjölmennasti kvennaflokkur mótsins. Inga Birna tók síðan silfur í opnum flokki og átti góðan dag en þetta er þriðja gullið hjá Ingu Birnu á Mjölnir Open.

Lili Racz úr Mjölni vann -60 kg flokk kvenna og vann báðar glímurnar sínar á uppgjafartaki. Lili hefur verið dugleg að keppa erlendis á undanförnum mánuðum og var þetta góður undirbúningur fyrir hennar næstu keppni á Grapplefest í maí.

Skemmtilegt mót að baki þar sem margar frábærar glímur voru á dagskrá. Myndir frá mótinu eru á Facebooksíðu Mjölnis og hér að neðan má sjá öll úrslit dagsins:

 

KARLAR / +99 KG

1. sæti: KRISTJÁN HELGI HAFLIÐASON - Mjölnir

2. sæti: EGGERT DJAFFER SI SAID - Mjölnir

3. sæti: ÞORGRÍMUR ÞÓRISSON - Rvk MMA

 

KARLAR / -99 KG

1. sæti: HALLDÓR LOGI VALSSON - Mjölnir

2. sæti: EGILL BLÖNDAL - Mjölnir

3. sæti: HRÓI TRAUSTI HAVSTEEN ÁRNASON - Momentum BJJ

 

KARLAR / -88 KG

1. sæti: ÓMAR YAMAK - Mjölnir

2. sæti: MAGNÚS INGVARSSON - Rvk MMA

3. sæti: SIGURGEIR HEIÐARSSON - Mjölnir

 

KARLAR / -77 KG

1. sæti: VALENTIN FELS CAMILLERI - Mjölnir

2. sæti: BJARKI ÞÓR PÁLSSON - Rvk MMA

3. sæti: MIKAEL ACLIPEN - Mjölnir

 

KARLAR / -66 KG

1. sæti: VIKTOR GUNNARSSON - Mjölnir

2. sæti: MIGUEL NUNES - Rvk MMA

3. sæti: HAUKUR BIRGIR JÓNSSON - Mjölnir

 

KONUR / +70 KG

1. sæti: ANNA SOFFÍA VÍKINGSDÓTTIR - Atlantic AK

2. sæti: HARPA RAGÚELS - Atlantic AK

3. sæti: DAGNÝ GYLFADÓTTIR - Atlantic AK

 

KONUR / -70 KG

1. sæti: INGIBJÖRG BIRNA ÁRSÆLSDÓTTIR - Mjölnir

2. sæti: LILJA GUÐJÓNSDÓTTIR - Rvk MMA

3. sæti: GUÐRÍÐUR DRÖFN KRISTINSDÓTTIR - Rvk MMA

 

KONUR / -60 KG

1. sæti: LILI RACZ - Mjölnir

2. sæti: ÁSLAUG PÁLMADÓTTIR - Mjölnir

3. sæti: KRISTÍNA MARSIBIL SIGURÐARDÓTTIR GEIRÞRÚÐARDÓTTIR - Atlantic AK

 

KARLAR, OPINN FLOKKUR

1. sæti: KRISTJÁN HELGI HAFLIÐASON - Mjölnir

2. sæti: HALLDÓR LOGI VALSSON - Mjölnir

3. sæti: EGILL BLÖNDAL - Mjölnir

 

KONUR, OPINN FLOKKUR

1. sæti: ANNA SOFFÍA VÍKINGSDÓTTIR - Atlantic AK

2. sæti: INGIBJÖRG BIRNA ÁRSÆLSDÓTTIR - Mjölnir

3. sæti: ÁSLAUG PÁLMADÓTTIR - Mjölnir