MJÖLNIR OG SPORTVÖRUR Í SAMSTARF

Fulltrúar Mjölnis og Sportvara með samninginn.

Í dag var undirritaður þriggja ára samstarfssamningur Mjölnis við Sportvörur. Gott samstarf hefur verið á milli Mjölnis og Sportvara á undanförnum árum en samningurinn markar enn betra og áframhaldandi samstarf.

„Við hjá Mjölni erum afar ánægð með samstarfssamninginn við Sportvörur. Síðustu árin höfum við átt góð og farsæl viðskipti og fengið frábæra þjónustu og vörur hjá þeim. Þessi samstarfssamningur styrkir enn frekar þau góðu samskipti og okkur hlakkar mikið til að vinna enn nánar og meira með því góða fólki sem þar starfar,“ segir Haraldur Dean Nelson framkvæmdastjóri Mjölnis um samninginn.

Eyþór Ragnarsson framkvæmdastjóri Sportvara tekur undir með Haraldi og bendir á að æfingatæki frá Sportvörum hafi verið notuð í Mjölni til fjölda ára og Sportvörur líti á það sem „mjög góð meðmæli að Mjölnir leiti til okkar eftir frekari samstarfi. Í Mjölni eru vörur okkar í stöðugri notkun og þær standast fyllilega þær kröfur sem þar eru gerðar um gæði og endingu. Okkur hlakkar mikið til að starfa með því frábæra fólki sem þar er í þeirri uppbyggingu sem framundan er,“ segir Eyþór.

Sportvörur hafa verið leiðandi á markaðnum fyrir vörur og tæki til íþróttaiðkunar en með samningnum mun Mjölnir efla enn frekar aðbúnað og þjónustu til iðkenda sinna.

Á meðfylgjandi mynd eru frá vinstri: Árni Friðberg Helgason (Sportvörum), Haraldur Dean Nelson (Mjölni), Eyþór Ragnarsson (Sportvörum) og Gunnar Einarsson (Mjölni).