Mjölnir notar Sportabler skráningar- og greiðslukerfið bæði til að halda utan um greiðslur og áskriftir, sem og fyrir iðkendur til að bóka sig í tíma. Þessu fylgja ýmsir kostir þar sem Sportabler er einnig í boði sem smáforrit (app) á fimm tungumálum (íslensku, ensku, pólsku, spænsku og þýsku) en með notkun þess verður öll upplýsingagjöf markvissari, skráningar á æfingar þægilegri og öll samskipti og yfirsýn á einum stað.
Hvað þarf ég að gera?
Í fyrsta lagi þarftu að stofna aðgang í Sportabler, ef þú hefur hann ekki nú þegar, og helst hlaða niður smáforritinu (appinu).
Ef þú hefur ekki notað Sportabler áður skaltu fara á vefslóðina https://www.sportabler.com/shop/mjolnir og stofna aðgang uppi í hægra horninu (smellir á „Innskrá í Sportabler“ og velur svo „Stofna aðgang“).
Eftir nýskráningu sækir þú síðan Sportabler appið í símann (í App Store, Play Store eða Google Play) og skráir þig inn.
Hvernig bóka ég mig í tíma
Sportabler er eins og áður segir einnig notað af iðkendum sem bókunarkerfi í tíma í Mjölni. Það geta virkir áskrifendur Mjölnis annað hvort gert í appinu eða á vefslóðinni https://www.sportabler.com/classes/mjolnir
Einfalt er að skrá sig í tíma í appinu undir „Viðburðir“ og en þar er smellt á plúsinn (sjá mynd) og þá birtist síða með tímunum í Mjölni.
Ef þú vilt ekki nota Sportabler appið þá getur þú nálgast upplýsingar hér að neðan:
- Hér sérðu upplýsingar um þínar áskriftir: https://www.sportabler.com/shop/my-subscriptions
- Hér sérðu greiddar og ógreiddar greiðslubeiðnir: https://www.sportabler.com/shop/my-invoices
- Hér geturðu bókað þig í tíma: https://www.sportabler.com/classes/mjolnir
Ef eitthvað er óskýrt þá er Sportabler með netspjall í gegnum appið og á skráningarsíðu félagsins þar sem hægt er að fá aðstoð með tæknileg atriði.
Gestir sem eru að kaupa staka tíma og eru ekki skráðir iðkendur í Mjölni ganga frá greiðslu og skráningu í tímann í móttöku Mjölnis.
Mjölnir MMA
